Skjalið

Minnispunktar Gerlachs eru varðveittir í Þjóðskjalasafni Íslands; 1993-71 Fjármálaráðuneyti. Gerlachsskjöl sem gerð voru upptæk 1940. Frumgerð minnispunktanna hefur ekki komið í leitirnar. Um þýðanda þeirra á íslensku sjá kafla um efni skjalsins hér að neðan.

1. Punktar þeir, sem hjer fara á eftir, fundust í plöggum þýska aðalkonsulsins á Íslandi, Dr. Werner Gerlach, þegar brezkur her tók í sína vörzlur aðalkonsulatið 10. maí 1940.
2. Allir púnktarnir eru skrifaðir með rithönd Gerlachs og flestir þeirra með grænu bleki, sem virðist sjerkennandi fyrir hann.
3. Nærri allir púnktarnir eru ódagsettir, en textinn ber það með sjer að þeir eru skrifaðir á tímabilinu frá desember 1939 til 10. maí 1940.
4. Yfirskriftir eða titlar voru engir, nema þeir, sem hjer eru settir. Púnktarnir voru sýnilega aðeins ætlaðir til eigin afnota, sennilega skrifaðir niður á mismunandi tímum. Allt bendir til að púnktar þessir hafi verið ætlaðir til þess, að semja upp úr þeim árs- eða aðra skýrslu til Þýskalands um ástandið hjer á Íslandi. Sje þetta rjett til getið, er ljóst að allar athugasemdir hans miða að þeirri niðurstöðu, að Íslandi væri ekki fært að vera sjálfstætt og væri í mest máta þurfandi fyrir "endurskapandi" erlend áhrif.
5. Púnktar þessir hafa ekki verið teknir út úr neinni möppu eða valdir úr öðrum pappírum. Þeir fundust lausir og eru afritaðir hjer nákvæmlega eins og þeir fundust, án nokkrra [svo!] úrfellinga eða viðbóta. Af þessari ástæðu munu menn finna í þeim ummæli, sem aðeins þeir skilja, sem muna kringumstæður þær, sem þá voru fyrir hendi.
6. Púnktarnir eru á lausum blöðum, sem ekki eru heft saman. Stryk [svo!] þvert yfir síðuna þýðir að þar endar blað í frumritinu.