Inntak þeirrar stefnu er svo orðað, hver nú fyrir réttinum upplesin var og uppáskrifað: Ákæruefni mitt til yðar er yðar bréf mér tilskrifað frá Bræðratungu þann 8. apríl næstliðna, hvar með ég held yður mig á mót réttu stórum hafa, því þér þar inni oftar en einu sinni að mér sveigt hafið þá hluti er ósæmilegir væri ef sannir reyndist. Í annan máta er nefnt í sömu stefnu, býst ég við á sögðum stað og degi, af valdsmanninum og tilnefndum dómsmönnum endilegs álits óska, hverju þér skuluð sekir verða fyrir sérhvað er í þessu yðar bréfi kann og mót réttu gjört virðast. Í þriðja máta er svo skrifað í nefndri stefnu, ætla ég og á fyrrsögðum stað og degi, yður svars að krefja og af dómendum að beiðast að þeir yður til andsvara skyldi, hverja meining þér haft hafið um eitt eður annað sem í fyrrsögðu yðar bréfi í skrifað stendur etc.