-
„Í Þriðja ríkinu var afbrotamönnum miskunnarlaust varpað í þrælabúðir og margir þeirra vanaðir þar af SS-læknum, enda töldu nasistar, að glæpahneigð væri arfgengur kvilli. Samkynhneigð var refsiverð og fjöldi homma varð fyrir barðinu á nasistum, þótt kynhneigð sjálfs Adolfs Hitlers væri næsta óljós.“
-
„Himmler, Alfred Rosenberg og aðrir hugmyndafræðingar nasista hötuðu kristna trú og vildu endurvekja ásatrú. Gerlach var einn margra SS-foringja, sem hafði sagt sig úr lútersku kirkjunni í Þýskalandi. Í stað kristinna hátíða, eins og jóla og páska, reyndi Himmler að endurvekja fornnorrænar sólstöðuhátíðir, sem Gerlach virðist að óreyndu hafa ætlað, að Íslendingar héldu enn hátíðlegar,“
-
„Gerlach virðist hafa haldið, að jólatrésskemmtanir barna væru venjulegir dansleikir!“
Skýringar eru úr bók Þórs Whiteheads, Milli vonar og ótta (Reykjavík, 1995), birtar með leyfi höfundar.